Ние сме креативно студио кое се бави со изработка на проекти за ентериерно уредување на станбени и деловни простори. После детална разработка на проектот, во кој внимателно и со целосна посветеност пристапуваме, преоѓаме на комплетна изведба. Нашиот тим се состои од млади, енергични и мотивирани лица, специјализирани за секоја фаза при разработка и изведба на ентериерното решение. Целта е секогаш да бидеме во дијалог со клиентите, како би биле најблиску до нивните желби и потреби, при тоа од наша страна да изготвиме функционално и автентично проектно решение.
Мерење на постојна состојба
Пред да се започне со проектирање, излегуваме на лице место да го измериме и снимиме просторот. Во меѓувреме со клиентите првично се консултираме за нивните желби и потреби околу просторното планирање.
Функционална распределба
Изработка на основи на новопроектирана состојба со функционално распоредување на мебелот.
Изработка на идеен проект
Концептот на ентериерното уредување се прикажува во идејниот проект кој може да се изработи во неколку варијанти. Се презентира преку реалистични 3д прикази кои ги содржат сите комбинации на бои, декори и дизајн на елементите.
Изработка на работен проект
Техничка спецификација и изработка на основи на подови и плафони, електро и водоводна инсталација, позиција на осветлување, спуштени плафони, детали со специфична обработка на ѕидови и цртежи за мебел.
Понуда за реализација
Изготвуваме понуда за изведба на целокупниот ентериер, според предходно изработената проектната документација. Понудите се од нашите партнерски фирми кои ги изведуваат сите наши проекти со висок квалитет под наш надзор.
Имате прашања? Ајде да дискутираме подетално околу вашиот проект! Ве молиме, пополнете ја следната пријава, како би добиле подетални информации и совети од нашиот стручен тим!
Контактирај не
